Ein dyletswyddau

Rydyn ni'n goruchwylio ei weithgareddau, yn enwedig gweithgareddau'r uwch reolwyr, a sicrhau ei atebolrwydd i'r rhai sy'n talu am drwydded yn uniongyrchol a thrwy'r Senedd.

Mewn rhai ffyrdd, rydyn ni fel bwrdd cwmni cyfyngedig cyhoeddus gan ein bod ni yma i gadw llygad ar y rhai sy'n rhedeg y Gorfforaeth a sicrhau eu bod yn gwneud eu gwaith yn iawn. Mewn ffyrdd eraill, rydyn ni fel rheoleiddwyr, yn sicrhau bod y BBC yn gwneud yr hyn mae wedi ymrwymo i'w wneud yn ôl ei Siarter, ei Gytundeb a'i Statud.

Fodd bynnag, mae'r BBC yn sefydliad unigryw. Fe'i ariennir gan ffi'r drwydded ac felly eiddo pobl Prydain yw'r sefydliad ac mae'n annibynnol ar fuddiannau gwleidyddol a masnachol. Felly, rydyn ni'n gweithio ar ran y rhai sy'n talu ffi'r drwydded, ac rydyn ni yma i sicrhau bod y BBC yn cynnig gwerth am arian. (Wedi dweud hynny, rydyn ni hefyd yn goruchwylio is-gwmnïau gweithredol y BBC fel BBC Worldwide Cyfyngedig a BBC Resources Cyfyngedig: cwmnïau masnachol sydd yn ceisio gwneud elw i'w fuddsoddi yn y gwaith o gynhyrchu rhaglenni)

Rydyn ni'n gweithredu dan delerau Erthygl 7 ein Siarter sy'n nodi pethau penodol mae'n rhaid i ni eu gwneud, er enghraifft:

• cymeradwyo amcanion ac addewidion eglur ar gyfer gwasanaethau, rhaglenni a gweithgareddau eraill y BBC, a monitro pa mor dda mae'n bodloni'r amcanion a chadw'r addewidion
• sicrhau fod y BBC yn cydymffurfio â thelerau'r cytundeb gyda'r Ysgrifennydd Gwladol, yr ymrwymiadau masnachu teg a'r safonau uchaf o uniondeb, priodoldeb a gwerth am arian
• penderfynu ar strategaeth y BBC ar gyfer darparu gwasanaethau, rhaglenni a gweithgareddau eraill yn y DU, gan sicrhau eu bod yn adlewyrchu anghenion a diddordebau'r cyhoedd
• sicrhau fod y BBC yn ymgynghori'n agos â Chynghorau Darlledu Cenedlaethol Cymru, yr Alban a Gogledd Iwerddon a Fforwm Cenedlaethol Lloegr a'r Cynghorau Cynghori Rhanbarthol, am wasanaethau ar gyfer pob gwald a rhanbarth
• sicrhau bod sylwadau, cynigion a chwynion yn cael eu trin yn iawn
• penderfynu ar strategaeth darpariaeth is-gwmnïau gweithredol masnachol y BBC (y rhai nad ydynt yn cael eu hariannu gan ffi'r drwydded) a'u goruchwylio i sicrhau eu bod yn cael eu hariannu, eu gweithredu a'u bod yn atebol ar wahân i'r Gwasanaethau Cyhoeddus
• cynorthwyo i benderfynu ar strategaeth y BBC o ran darlledu neu drosglwyddo rhaglenni'r World Service
• sefydlu a chynnal Pwyllgor Archwilio
• penodi'r Cyfarwyddwr Cyffredinol a, gydag ef neu hi, penodi gweddill y Bwrdd a rheolwyr allweddol eraill
• sicrhau bod darllediadau y gellir eu derbyn y tu allan i'r DU yn cydymffurfio â'r holl ymrwymiadau rhyngwladol perthnasol
• sicrhau bod y BBC yn bodloni ei ymrwymiadau cyfreithiol a chytundebol, yn enwedig o ran bod yn ddiduedd a safonau chwaeth a gwedduster, ac yn cydymffurfio ag unrhyw gyfarwyddiadau gan y Swyddfa Gyfathrebu (OFCOM)
• cynhyrchu Adroddiad Blynyddol bob blwyddyn
• penderfynu ar dâl yr uwch swyddogion gweithredol

Archebion Parhaol y Bwrdd

Mae'r Bwrdd wedi mabwysiadu Archebion Parhaol sy'n amlinellu cyfrifoldebau'r Llywodraethwyr a gweithrediadau y Bwrdd a'i bwyllgorau. Gallwch ddadlwytho'r ddogfen hon isod.

Rheoliadau Gwrthdaro Diddordebau

Mae Rheoliadau Gwrthdaro Diddordebau y Bwrdd yn amlinellu sut mae'r Bwrdd yn delio gyda Gwrthdaro Diddordebau. Pwrpas y Rheoliadau yma yw sicrhau bod trafodaethau a phenderfyniadau Bwrdd y Llywodraethwyr yn cael eu gwneud er lles talwyr ffi'r drwydded . Gallwch ddadlwytho'r Rheoliadau isod.

Gellir gweld datganiad diddordebau y Llywodraethwyr yn unigol yn yr adran Pwy Ydym, ond i'w gweld o fewn un ddogfen gweler isod.

Polisi Treuliau

Polisi safonol y BBC am hawlio treuliau yng nghwrs busnes sy'n ffurfio sail rheoliadau Bwrdd y Llywodraethwyr ar gyfer treuliau a buddion, ond mae'r rheoliadau yn wahanol mewn rhai ffyrdd, gan adlewyrchu rôl a chyfrifoldebau gwahanol y Llywodraethwyr i weithwyr y BBC. Gellir dadlwytho rheoliadau'r Llywodraethwyr isod. Yn ogystal â'r broses o gymeradwyaeth cyn ad-daliad, caiff treuliau'r Llywodraethwyr eu hadolygu yn wrtholygol ddwywaith y flwyddyn gan y Pwyllgor Archwilio.