Fel Llywodraethwyr, rydyn ni'n gyfrifol am sicrhau fod y BBC yn gweithio er lles gwylwyr a gwrandawyr.
Ar eu rhan, rydyn ni'n asesu pa mor effeithiol mae'r BBC yn cyflawni ei ddiben cyhoeddus: cyfoethogi bywydau pobl gyda rhaglenni a gwasanaethau sy'n hysbysu, addysgu a diddanu. I sicrhau fod y rheolwyr yn canolbwyntio ar gyflawni'r diben cyhoeddus hwnnw, rydyn ni'n nodi amcanion bob blwyddyn ac yn monitro perfformiad yn eu herbyn.
Mae'r amcanion hyn yn darparu fframwaith strategol ar gyfer y BBC, ond nid dyma'r unig fesur rydyn ni'n ei ddefnyddio i asesu perfformiad. Bob gwanwyn, rydyn ni hefyd yn cyhoeddi Datganiadau o Bolisi Rhaglenni'r BBC sy'n nodi cylch gorchwyl bob gwasanaeth, ac yn ymrwymo'r BBC i ddarparu amrywiaeth eang o gynnyrch gwasanaeth cyhoeddus. Yn Adroddiad Blynyddol y BBC, yn ogystal ag asesu perfformiad yn ôl yr amcanion, rydyn ni hefyd yn gwerthuso perfformiad y BBC yn ôl y cylchoedd gorchwyl hyn ac wrth ddarparu ymrwymiadau cynnyrch.
